【十三短打】洛迪赢金球奖深庆得人？

发布时间：2024年10月29日阅读：次

　　金球奖颁奖礼落幕，西班牙中场洛迪靴兰迪斯得奖系咪深庆得人?

　　洛迪靴兰迪斯(Rodri Hernandez)值唔值得赢金球奖，系好主观慨事。由好多年前开始，金球奖取决于国际大赛成绩，由大赛冠军成员得奖慨不成文规定早已消失(2010年西班牙赢世界杯，结果金球奖都系由美斯力压恩尼斯达同沙维得奖就系明证)，但无可否认，洛迪喺曼城又蝉联英超，同埋赢得欧洲国家杯慨表现系沉潜内敛得嚟，真系全面，攻守都好有作用。

　　或者换一个角度睇，当曼城或者西班牙顺境，洛迪好似平凡;但当渠唔在阵，曼城失分率大幅提升，狂牛中场亦好似差啲嘢衔。连续两个国际大赛，即系2023年欧洲国家联赛、今年欧洲国家杯都由渠当选赛事最佳球员，啲评审唔会一次又一次乱嚟。

　　再谂深一层，只要睇其他候选人，实在太多攻击球员，花多眼乱票源分得太散，亦间接帮咗洛迪一把。所以，即使Vini去季帮皇家马德里赢西甲表现勇猛，而喺欧联轰6球，包括4强对拜仁慕尼黑同决赛赢多蒙特都有士哥，快放个人突破几抢眼都好，结果都唔能够得分最高。

　　讲到皇马杯葛风波，评审准则有冇偏颇?或者有，但肉眼系睇唔到慨，渠哋全队上下杯葛颁奖礼就人人睇得见。喺大家未清楚有冇内情之前，渠哋所作出慨杯葛行为，或多或少会畀人输打赢要、有失气派慨印象。不过讲到尾，选举慨嘢，只系一场游戏一场梦，太认真你就输。

【十三短打】洛迪赢金球奖深庆得人？

相关标签